(389)                           SOUS LE RÈGNE DE CHARLES VI.                              149
quatre volumes, appellé Moralia Gregorii, avec la Lecture super Levùico, et un sien autre livre appellé Josephim Antiquitatum et de Vita Cesarum.
Item, il volt que, se l'ouvrage qu'il a ordené estre fait pour haussier et couvrir les chaieres du cuer de sa dicte eglise d'Arraz n'estoit parfait au temps de son decès, il soit acompli à ses despens en la maniere qu'il a esté divisié.
Item, il laissa à chascun des convens des trois ordres Mendians, si­tuez en la ville ou es forsbours d'Arraz, quarante livres Tournois,
Item, au convent et college des Chartreuses de Gosnay soixante li­vres Tournois.
Item, au convent des Chartreux du dit lieu de Gosnay un ymage de saint Andry d'argent doré, le moindre des deux siens, pesant quinze marcs ou environ.
Item, aux religieuses d'Avesnes, emprès Bappaulmes, quarante livres Tournois.
Item, auxpovres religieuses de Chin, près de Douay, quarante livres Tournois.
Item, aus religieuses du Vivier vint livres Tournois.
Item, aus religieuses de la Tieuloye quarante livres Tournois.
Item, il laissa à la fabrique de l'eglise de Saint Nicaise de cité vint livres Tournois.
Item, à la fabrique de l'eglise Saint Nicolas en l'A tre dix livres Tour­nois.
Item, il laissa à l'eglise collégial de Saint Barthelemi de Bethune sa chapelle vermeille entiere qui fut feu monseigneur le duc de Bour­gongne derrenierement trespassé, cui Dieux pardoint.
Item, au convent des Freres Mineurs de Bethune dix livres Tour­nois.
Item, il laissa à l'eglise collégial de Saint Pierre de Douay un ymage de saint Pierre d'argent doré, pesant vint marcs ou environ.
Item, il laissa à chascun des convens des Cordeliers et Prescheurs à Douay dix livres Tournois.
Item, il laissa à l'eglise collégial de Nostre Dame de Lens un ymage